«Час second-hand» — пятая і апошняя кніга дакумэнтальна-мастацкага цыклу Сьвятланы Алексіевіч «Галасы Ўтопіі». У 2015 годзе Алексіевіч атрымала Нобэлеўскую прэмію ў літаратуры за сваю шматгалосую творчасьць — «помнік пакуце і мужнасьці ў наш час».

У гэтай кнізе Алексіевіч піша пра распад сацыялізму і людзей, якія засталіся пасьля яго. У цэнтры тэксту — постаць homo sovieticus, «чырвонага чалавека», сфармаванага больш як сямідзесяцьцю гадамі савецкай ідэалёгіі.

Праз галасы, успаміны і асабістыя гісторыі кніга паказвае, як савецкі праект спрабаваў перарабіць чалавека — і што засталося пасьля завяршэньня гэтага экспэрымэнту. Як піша Алексіевіч, сацыялізм скончыўся, але ягоныя людзі засталіся.

Пасьля поўнамаштабнага ўварваньня Расеі ва Ўкраіну 24 лютага 2022 году кніга чытаецца з новай сілай. «Чырвоны чалавек» не зьнік: сёньня ён бамбіць Харкаў, Кіеў і іншыя ўкраінскія гарады.

Пераклад з расейскай — Кацярына Маціеўская.

Мова: беларуская
Вокладка: цьвёрдая
Фармат: 125 × 200 мм
Колькасьць старонак: 558
Месца выданьня: Літва
Год выданьня: 2026