«Апошняя кніга пана А.» — раман вядомага беларускага пісьменьніка Альгерда Бахарэвіча.

«Я зайздрошчу дзецям. Ім дазволена верыць у казкі, а нам не. Больш за ўсё на сьвеце дарослыя любяць казкі, але людзям сорамна ў гэтым прызнацца», — кажа герой новага рамана Бахарэвіча.

Каб сплаціць доўг крэдытору, пісьменьнік-даўжнік пачынае пісаць казкі — і цэлы месяц кожны вечар чытае іх бессаромным дарослым. З кожным днём казачны сьвет апавядальніка робіцца ўсё больш рэальным, а рэальнасьць вакол герояў паступова ператвараецца ў казку, пакуль мяжа паміж фантазіяй і паўсядзённым жыцьцём канчаткова не сьціраецца.

У «Апошняй кнізе пана А.» Бахарэвіч зноў расчыняе дзьверы ў свой унікальны мастацкі сьвет — падманліва знаёмы з навакольнай штодзённасьці, але адначасова трывожны, чароўны, сюррэалістычны і глыбока неспакойны.

Першае выданьне рамана выйшла ў чэрвені 2020 году і ўжо празь некалькі месяцаў стала сапраўдным бэстсэлерам.

Мова: беларуская
Вокладка: мяккая
Фармат: 140×205 мм
Колькасьць старонак: 478
Месца выданьня: Prague, Czech Republic
Год выданьня: 2022