«Алесь» — аўтабіяграфія беларускага праваабаронцы, палітычнага вязьня і ляўрэата Нобэлеўскай прэміі міру 2022 году Алеся Бяляцкага.

Кніга распавядае пра ягонае жыцьцё і адданасьць абароне правоў чалавека — ад беларускага культурнага адраджэньня 1980-х гадоў і заснаваньня Праваабарончага цэнтру «Вясна» да палітычнага перасьледу, арыштаў і зьняволеньня.

Гэтае пашыранае ангельскамоўнае выданьне ўключае новыя разьдзелы, напісаныя пасьля вызваленьня аўтара ў сьнежні 2025 году. У іх ён разважае пра свой арышт у 2021 годзе, прысуджэньне яму Нобэлеўскай прэміі міру падчас зьняволеньня, судовы працэс 2023 году і прысуд да дзесяці гадоў пазбаўленьня волі, а таксама пра больш як чатыры гады, праведзеныя за кратамі.

Спалучаючы асабістыя ўспаміны з развагамі пра беларускую гісторыю, «Алесь» становіцца моцным сьведчаньнем мужнасьці, салідарнасьці і барацьбы за свабоду і чалавечую годнасьць.

Мова: ангельская 
Вокладка: цьвёрдая 
Месца выданьня: Польшча 
Год выданьня: 2026