«Экспэдыцыя Вацлава Ластоўскага 1928 году. Захаваная спадчына» — фотаальбом і навукова-папулярны каталёг, прысьвечаны этнаграфічнай экспэдыцыі пад кіраўніцтвам Вацлава Ластоўскага на Случчыну і Мазыршчыну ў 1928 годзе.

У выданьні сабраныя каля 300 рэдкіх фатаздымкаў традыцыйнай беларускай культуры: народнага строю, ткацтва, сельскай архітэктуры, прадметаў штодзённага ўжытку і сакральнага мастацтва. Зробленыя напярэдадні палітычных зьменаў і рэпрэсіяў 1930-х гадоў, гэтыя выявы захавалі ўнікальнае сьведчаньне беларускай культурнай спадчыны.

Кніга падрыхтаваная паводле матэрыялаў са збору Беларускай бібліятэкі і музэю імя Францішка Скарыны ў Лёндане і адкрывае каштоўны погляд на гісторыю і этнаграфію Беларусі.

Мова: беларуская
Вокладка: цьвёрдая
Колькасьць старонак: 256
Краіна выданьня: Польшча